بوومەلەرزەیەک خانەقینی هەژاند

پەیامی کورد ... بوومەلەرزەیەک خانەقینی هەژاند

وەزارەتی گواستنەوەی عێراق رایگەیاند، بەرەبەیانی ئەمڕۆ سێشەممە ٨ی کانوونی یەکەمی ٢٠٢٠،  بوومەلەرزەیەک لەسەر سنوری عێراق-ئێران لەقەزای خانەقینی سەر بە پارێزگای دیالە رویداوە و پلەکەی ٤.١ بەپێوەری رێکختەر بووە.

وەزارەتی گواستنەوەی عێراق لە راگەیەنراوێکدا رایگەیاند، کاتژمێر ١:٢٤ خولەکی بەرەبەیانی ئەمڕۆ سێشەممە  بوومەلەرزەیەک بەدووری ٢١ کیلۆمەتەر لەقەزای خانەقین روویداوە.

ئەوەش هاتوە، پلەی بوومەلەرزەکە ٤.١ پلە بووە بەپێوەری رێکختەر و لەلایەن هاوڵاتیانی سنورەکەوە هەستی پێنەکراوە.

وەزارەتی گواستنەوەی عێراق داواش لەهاوڵاتیان دەکات خۆیان لەهەواڵ و زانیاری نادروست بەدووربگرن کەکاریگەری دەکاتەسەر دەرونی هاوڵاتیان.