سلێمانی.. تەرمی عادل موراد بەخاکسپێردرا

تەرمی عادل موراد سکرتێرى ئەنجومەنى ناوەندى یەکێتى نیشتیمانی کوردستان لە گردى سەلیم بەگ لەشاری سلێمانی بەخاکسپێردرا.

سەرلەبەیانى ئەمڕۆ پێنجشەممە تەرمى عادل موراد گەیشتە فڕۆکەخانەى سلێمانى و لە کاتژمێر ١١:٣٠ خولەکیش لە گردى سەلیم بەگ بەخاکسپێردرا.

بەپێى ڕاگەیەنراوى لیژنه‌ی باڵای مه‌راسیمی هێنانه‌وه‌و به‌خاكسپاردنی ته‌رمی عادل موراد، سبەینێ هه‌ینی پرسەی کۆچکردوو له‌مزگه‌وتی ئه‌حمه‌دی حاجی عه‌لی  بۆ پیاوان‌ و ژنان به‌ڕێوه‌ده‌چێت،  ئێواره‌ی هه‌مان رۆژیش پرسه‌كه‌ی له‌باره‌گای مه‌كته‌بی سیاسی هه‌ڵده‌گیرێت.

جێی ئاماژەیە (١٨)ی ئەم مانگە، عادل موراد، سکرتێرى ئەنجومەنى ناوەندى و ده‌سته‌ی دامه‌زرێنه‌ری یه‌كێتی نیشتمانی كوردستان، به‌هۆی نه‌خۆشی شێرپەنجەوە له‌ئه‌ڵمانیا كۆچی دواییكرد.