پلەکانی گەرما بەرز دەبنەوە

پەیامی کورد... پلەکانی گەرما بەرز دەبنەوە

سبەینێ پلەکانی گەرما لە پارێزگەکانی هەرێمی کوردستان بەرز دەبنەوە، بەرزترین پلەش لە شاری کەرکووک تۆمار دەکرێت، کە ٢٧ پلەی سیلیزی دەبێت.

بەپێی پێشبینییەکانی کەشناسی و بوومەلەرزەزانی هەرێمی کوردستان، سبەینێ لە هەولێر ئاسمان ساماڵ و پەڵە هەور دەبێت، بەرزترین پلەی گەرما ٢٣ پلە و نزمترین ٧ پلەی سیلیزی دەبێت، ئەمە لە کاتێکدایە ئەمڕۆ بەرزترین پلەی گەرما ٢٢ پلە و نزمترینیشی ٨ پلە دەبێت.

لە پارێزگەی سلێمانی پلەی گەرما بەرز دەبێتەوە، ئەمڕۆ پێنجشەممە بەرزترین پلەی گەرما ٢١ پلە و نزمترینی ١٠ دەبێت، بەڵام بۆ سبەینێ بەرزترین پلەی گەرما ٢٣ و نزمترین ١٠ پلەی سیلیزی دەبێت و ئاسمانی شارەکە ساماڵ و پەڵە هەور دەبێت.

گۆڕانکاری بەسەر پلەی گەرمای دهۆکیشدا دێت بە جۆرێک بەرزترین پلەی گەرما بۆ ئەمڕۆ ١٩ پلە و نزمترین ١٠ پلەی سیلیزییە، بەڵام سبەینێ بەرزترین پلەی گەرما دەبێتە ٢١ پلەی سیلیزی و نزمترینی دەبێتە ١٠ پلە. ئاسمانی شارەکە ساماڵ و پەڵە هەور دەبێت.

بەگوێرەی پێشبینییەکانی کەشناسی و بوومەلەرزەزانی هەرێمی کوردستان سبەینێ پلەی گەرما لە پارێزگەی هەڵەبجە بەرز دەبێتەوە، بەرزترین پلەی گەرما ٢٥ پلەی سیلیزی و نزمترینی ١٠ پلە دەبێت و ئاسمان پەڵە هەور و نیمچە هەور دەبێت. ئەمە لە کاتێکدایە، ئەمڕۆ پێنجشەممە بەرزترین پلەی گەرما ٢٤ پلە و نزمترین ١٠ پلەی سیلیزییە.

لە پارێزگەی کەرکووک بەرزترین پلەی گەرما تۆمار دەکرێت، کە ٢٧ پلەی سیلیزی و نزمترینی ١٢ پلەی سیلیزی دەبێت، ئاسمانی شارەکە ئاسمان ساماڵ دەبێت لەگەڵ هەندێک پەڵە هەور. لە کاتێکدا ئەمڕۆ پێنجشەممە بەرزترین پلەی گەرمای شارەکە ٢٦ پلە و نزمترینی ١٠ پلەی سیلیزییە.