دواهەمین ئاماری تووشبووانی کۆرۆنا لە عێراق بڵاو دەکرێتەوە

پەیامی کورد      ...      دواهەمین ئاماری تووشبووانی کۆرۆنا لە عێراق بڵاو دەکرێتەوە  

وەزارەتی تەندرووستی و ژینگەی عێراق رایگەیاند، لەماوەی ٢٤ كاتژمێری رابردوودا ٤٣٤٨ كەس تووشی پەتای كۆرۆنا بوون.

لە بەیانێكدا، وەزارەتی تەندرووستی و ژینگەی عێراق رایگەیاند،"لە دوێنێوە ١٩٢٧٨ پشكنینی كۆرۆنا لەسەرتاسەری عێراق ئەنجامدراوە، لەو ژمارەیەش ٤٣٤٨ كەس تووشی پەتای كۆرۆنا بوون.

ئاماژەی بەوەشكردوە، لە دوێنێوە ٢٦٧٤ هاووڵاتی هەڵگری ڤیرووسی كۆرۆنا چاكبوونەتەوە و گەڕاونەتەوە ماڵەوە، ٧٥ هاووڵاتی تووشبووش گیانیان لەدەستداوە.

وەزارەتی تەندرووستی و ژینگەی عێراق لەبارەی كۆی گشتی تووشبوانی پەتاكە رایگەیاندوە، تاكوو ئێستا  ١٧٦ هەزار و ٩٣١ كەس تووشی كۆرۆنا بوون، لەو ژمارەیەش ١٢٥ هەزار و ٣٧٤ كەس چاكبوونەتەوە كە دەكاتە ٧١٪ی كۆی گشتی تووشبوان، ٥٨٦٠ هاووڵاتیش گیانیان لەدەستداوە.