بە سەرپەرشتی مەسروور بارزانی ئەنجوومەنی وەزیران لە سەر چەند پرسێک کۆدەبێتەوە
پەیامی کورد ... بە سەرپەرشتی مەسروور بارزانی ئەنجوومەنی وەزیران لە سەر چەند پرسێک کۆدەبێتەوە .
بە سەرپەرشتی مەسروور بارزانی، سەرۆكی حكوومەتی ھەرێمی كوردستان بە ئامادەبوونی قوباد تاڵەبانی جێگری سەرۆكی حكوومەت، ئەنجوومەنی وەزیران كۆدەبێتەوە و رەشنوسی پەیڕەوێک و پڕۆژە بڕیارێک تاوتوێ دەکات، ھەروەھا لە كۆبوونەوەكەدا گفتوگۆ لەبارەی پێشھاتەكانی تەشەنەسەندنی ڤیرووسی كۆرۆنا دەكرێت.
فەرمانگەی میدیا و زانیاری رایگەیاند، پێش نیوەڕۆی ئەمڕۆ چوارشەممە، ئەنجوومەنی وەزیران بە سەرپەرشتی سەرۆكی ئەنجوومەنی وەزیران و ئامادەبوونی جێگری سەرۆكی ئەنجوومەنی وەزیران کۆدەبێتەوە.
لە كۆبوونەوەكەدا، دوا پێشهاتەكانی تەشەنەسەندنی بڵاوبوونەوەی پەتای ڤیرووسی كۆرۆنا و رێكارەكانی هەردوو وەزارەتی تەندرووستی و ناوخۆ بۆ ئەم مەبەستە دەخرێتەڕوو.
ئەنجوومەن رەشنوسی پەیڕەوێک و پڕۆژە بڕیارێک تاوتوێ دەکات، پەیڕەوی (رێكخستنی كاری كۆمپانیا ئەمنییەكانی لە هەرێمی كوردستان-عێراق) هەروەها پڕۆژە بڕیاری تایبەت بە (دەرماڵەی لە بری پەككەوتن) لە چوارچێوەی یاسای چاكسازی لە مووچە و دەرماڵە و بەخشین و ئیمتیازەكان و خانەنشینی لە هەرێمی كوردستان-عێراق.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە