هۆڵەکانی فڕۆکەخانەی نێودەوڵەتی بەغدا ئاگری گرت

پەیامی کورد... هۆڵەکانی فڕۆکەخانەی نێودەوڵەتی بەغدا ئاگری گرت

ئاگر لە یەکێک لە هۆڵەکانی فرۆکەخانەی نێودەوڵەتی بەغدا کەوتەوە و بەو هۆیەوە چەند هۆڵێکی فرۆکەخانەکە چۆلکراون.

سەرچاوەیەک لە فرۆکەخانەی نێودەوڵەتی بەغدا بە پەیامنێری کوردستان24ـی راگەیاندووە، ئاگر لە نێو کافتێریایەکی هۆڵی پێشوازی گەشتیاران کەوتووەتەوە و ئێستا تیمەکانی ئاگرکوژێنەوە لە شوێنی رووداوەکەن و هەوڵێ کۆنترۆڵکردنی دەدەن.

سەرچاوەکە دووپاتیشیکردەوە، تا ئێستا هۆکاری ئاگرکەوتنەوەکە دیار نییە و هیچ گەشتێکی ئاسمانیش بەهۆی ئاگرەکەوە نەوەستێندراوە.

هاوکات بەرگری شارستانی بەغدا رایگەیاندووە، سێ کرێکار بە هۆی دووکەڵی چرەوە تووشی هەناسەتەنگی بوونە و چارەسەری پێویستیان وەرگرتووە.