هاووڵاتییەک بە تۆمەتی "کوشتنی بەئەنقەست" لە زیندانی نەغەدە لەسێدارە درا
پەیامی کورد ... هاووڵاتییەک بە تۆمەتی "کوشتنی بەئەنقەست" لە زیندانی نەغەدە لەسێدارە درا.
سەرلەبەیانیی ئەمڕۆ چوارشەممە ، بەندکراوێک بە ناوی "ڕەحیم یووسفی" خەڵکی گوندی "سووغانلوو"ی شاری پیرانشار، بە تۆمەتی "کوشتنی بەئەنقەست" لە زیندانی نەغەدە لەسێدارە درا.
ڕۆژی ڕابروو ژمارەیەک لە چالاکانی مەدەنی و خەڵکی نەغەدە، بۆ وەرگرتنی لێخۆشبوون لە پێش دەرگای ماڵی کوژراوەکە و زیندانی نەغەدە کۆ بوونەوە، بەڵام هەوڵەکانیان بێئاکام بوو.
"ڕەحیم یووسفی" تەمەن ٤٠ ساڵ، خێزاندار و باوکی دوو منداڵە کە چوار ساڵ پێش، پاش خۆڕادەستکردنی بە ئیدارەی هەواڵگری ، دانی بەوەدا نا کە ساڵ پێش بە شێوەی نەخوازراو یەکێک لە هاوڕێیەکانی خۆی بە ناوی "خالید نزاکەتـ"ـی کوشتووە.
ئەو هاووڵاتییە پیرانشارییە لە کۆتاییدا و لەلایەن دەزگای دادوەرییەوە بە تۆمەتی "کوشتنی بەئەنقەست" بە قیساس مەحکووم کرا و حوکمی ناوبراو لە دیوانی باڵای ووڵات پشتڕاست کرابووەوە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە