بەفر و بارانبارین بەردەوام دەبێت

کەشناسى هەرێمی کوردستان رایگەیاند، ئەمڕۆ و سبەینێ ئەگەری نمەباران هەیە و لەزنجیرە شاخاوییە سنووریەکانی باکووری رۆژهەڵاتی هەرێمیش بەفر دەبارێت.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی له‌ڕاگه‌یه‌ندراوێكدا بڵاویكرده‌وه‌، ئه‌مڕۆ دوشه‌ممه‌ ئاسمان نیمچه‌ هه‌ور ده‌بێت له‌ناوچه‌ شاخاویه‌كان بۆ هه‌وری ته‌واو ده‌گۆڕێت، ئه‌گه‌ری كه‌مێك نمه‌ باران هه‌یه‌ له‌ هه‌ندێك ناوچه‌كانی باكوری پارێزگای سلێمانی و هه‌روه‌ها كه‌مێك به‌فر بارین له‌زنجیره‌ شاخاویه‌ سنوریه‌كانی باكوری رۆژهه‌ڵاتی هه‌رێم، خێرایی با له‌دوای نیوه‌ڕۆوه‌ له‌ هه‌ندێك ناوچه‌ی گه‌رمیان زیاد ده‌كات بۆ سه‌روی 30 كیلۆمه‌تر له‌كاتژمێرێكدا.

ئاماژه‌ی به‌وه‌شكردوه‌، سبه‌ی سێشه‌ممه‌  ئاسمان نیمچه‌هه‌ور ده‌بێت له‌ناوچه‌ شاخاویه‌كان بۆ هه‌وری ته‌واو ده‌بێت، له‌كاته‌كانی دوایی نیوه‌ڕۆ ئه‌گه‌ری كه‌مێك نمه‌ بارانی پچرپچر هه‌یه‌ له‌ناوچه‌ شاخاویه‌كاندا .