سەرۆک مەسعوود بارزانی پێشوازی لە باڵیۆزی ئەمریکا لە عێراق کرد

پەیامی کورد    ...   سەرۆک مەسعوود بارزانی پێشوازی لە باڵیۆزی ئەمریکا لە عێراق کرد

مەسعود بارزانی بە باڵیۆزی ئەمریكا لە عێراق ی ڕاگەیاند : پارتی لەگەڵ هەڵبژاردنە بەڵام لەگەڵ هەڵبژاردنێك دایە كە شەفاف بێت و تەعبیر لە ئیرادەی گەلی كوردستان بكات و دوور بێت لە دەستوەردانی دەرەكی و سەپاندنی شێوازی نایاسایی بە جۆرێك كە پێش ئەنجامدانی هەڵبژاردن، ئەنجامەكان لە  بەرژەوەندیی خۆیان یەكلایی بكەنەوە.

ناشكرێ هەڵبژاردن بەڕێوەبچێت بە بێ بەشداری پێكهاتەكان و پارلەمانێك پێك بهێندرێت كە نوێنەری پێكهاتەكانی تێدا نەبێت، هاوكات پارتی كۆمەڵێك سەرنج و تێبینی تەكنیكی هەیە لەسەر دابەشكردنی كورسی پارێزگاكان و شێوازی كاری كۆمیسیۆن .

هەروەها پێویستیش دەكات لایەنە عێراقییەكان پابەندی ئەو ڕێككەوتنە بن كە لەكاتی پێكهێنانی ئیئتلافی ئیدارەی دەوڵەت ڕێككەوتنی لەسەر كراوە و هیچ لە خاڵەكان جێبەجێ نەكراون.