دادستانی گشتیی پارێزگای کرماشان، چاوەدێریی ورد و ناسینەوەی تاوانبارانی سۆشیال میدیای لە کرماشان ڕاگەیاند

حەمیدرەزا کەریمی، دادستانی گشتیی پارێزگای کرماشان بە ئاماژەدان بە جێبەجێکردنی گەڵاڵەی نور لەسەر ئاستی پارێزگاکان ڕایگەیاند، جگە لە گەشتی ئێرشاد، پێویستە پۆلیسی پارێزگاکە چاودێریی پەیجەکانی ئینستاگرامیش بکەن و کەسانی بێ حیجاب دستنیشان بکرێن.

ئاماژەی بەوەش کرد، دوای ناسینەوەی ئەو پەیجانە پێویستە پۆلیس بە وەرگرتنی بەڵێننامە لە خاوەنەکانیان بلۆکیان بکات و لە ئەگەری دووبارەبوونەوەیشدا لەگەڵ بەڵگەنامەی هاوپێچدا بۆ لێپرسینەوە بخرێنە بەردەم داواکاری گشتی.

دادستانی کرماشان لە درێژەدا باسی لەوە کرد کە بەشێکی سەرەکی لە کڕین و فرۆشتنی نایاسایی چەکی سەربازی و ڕاوکردن لە فەزای مەجازیدا ئەنجام دەدرێت و وتی، ئاسایش پێویستە بەردەوام ڕێوشوێنی تەکنیکی و زانیاری بخاتە بەرنامەی کار بۆ ڕێگریکردن لە فرۆشتن و کڕینی چەک و مامەڵەکردن لەگەڵ بریکارە نائەمنیەکانی فەزای مەجازی و دەستنیشانکردنیان و ناساندنیان بە داواکاری گشتی.

ئاماژەی بەوەشکرد، هەروەها بەهۆی چالاکیی تاوانباران و قازانج خوازان بەمەبەستی ساختەکردنی بەڵگەنامە و ساختەکاری لەڕێگەی فریودانی کەسانی دیکە لە فەزای مەجازی، پێویستە کاربەدەستانی سیستەمی دادوەری چاودێری پەیجە پەیوەندیدارەکان و ناسینەوەی سەرپێچیکاران بخەنە بەرنامەی کار.