ئومێد خۆشناو: پاڵاوگە نایاساییەكانی هەولێر دادەخەین

ئومێد خۆشناو رایگەیاند، هۆكاری ئاگركەوتنەوەكەی شەوی رابردووی پاڵاوگەكە شۆرتی كارەبا بووە و پاڵاوگە نایاساییەكانی هەولێر دادەخەین

ئەمرۆ پێنجشەممە 13ی حوزەیرانی 2024 ئومێد خۆشناو، پارێزگاری هەولێر لە كۆنگرەیەكی رۆژنامەوانی رایگەیاند، هۆكار سەرەكی ئاگركەوتنەوەكەی شەوی ڕابردووی پاڵاوگەكەی هەولێر شۆرتی كارەبا بووە و ژمارەیەك قوربانیشی لێكەوتۆتەوە

ئاماژەی بەوەشكرد، لە ڕووداوەكە سێ كارمەندی بەرگری شارستانی برینداربوون و هیچ كەسێكیش گیانلەدەستنەداوە

شەوی رابردوو ئاگرێكی گەورە لە پاڵاوگەیەكی نەوتی لەسەر ڕێگای هەولێر - گوێڕ كەوتەوە و زیانێكی زۆری ماددی بەر پاڵاوگەكە كەوت و ژمارەیەك قوربانیشی لێكەوتەوە