وەزیری شارەوانی لەسەر وادهی دابەشکردنی زەوی بەسەر فەرمانبەراندا زانیارى ئاشکرا دەکات
پەیامی کورد ... وەزیری شارەوانی لەسەر وادهی دابەشکردنی زەوی بەسەر فەرمانبەراندا زانیارى ئاشکرا دەکات
ساسان عەونی وەزیری شارەوانی و گەشتوگوزار ئاماژە بەوە دەکات، هەوڵ دەدەن لەکاتی دیاریکراوی خۆیدا لەو ساڵەدا، ڕێکارەکانی دابەشکردنی زەوی بەسەر فەرمانبەراندا تەواو بکەن و فەرمانبەران بەو مافەی خۆیان بگەن.
دووشەممە ساسان عەونی وەزیری شارەوانی و گەشتوگوزاری حکوومەتی هەرێمی کوردستان لە کۆنفرانسێکی رۆژنامەوانیدا ڕایگەیاند: ڕێکاری یاسایی زەوی و پارچە زەوی بەسەر فەرمانبەراندا لەلایەن سەرۆکایەتی و بەڕێوبەرایەتی گشتی شارەوانییەکان کۆتایی هاتووە و ئێستا لە قۆناغی جێبەجێکردن دایە، تەنها کاروباری یاسایی زەوییەکان ماوە.
ساسان عەونی ووتی: ئەو پرۆسەیە لە کارکردنێکی بەردەوامدایە، بابەتی دۆزینەوە و دیاریکردنی زەوییەکان لەلایەن سەرۆکایەتی و بەڕێوبەرایتییە گشتییەکانی شارەوانی لە سنووری ماستەر پلان و دەرەوەی ماستەرپلانی شارەکان تەواو بووە، ئێستا لە ڕێکاریی جێبەجێکردنی کاروباری یاسایین بەداواکردنی کوژاندنەوەی ئەو زەویانەی پێویستن، دەڵێت: دواتر بابەتی نەخشەدانان بۆ ئەو شوێنانە دێتە پێش، بۆ ئەوەش هەموو سەرۆکایەتییەکانی شارەوانی، بەڕێوبەرایەتییە گشتییەکان، وەزارەتی شارەوانی کار لەسەر ئەو پرسە دەکەن، وەزیری شارەوانی و گەشتوگوزار گوتی: ئومێد دەکەین ئەو بەڵێنەی سەرۆکوەزیران مەسروور بارزانی بە فەرمانبەرانی کوردستانی داوە، بتوانین لەکاتی دیاریکراوی خۆیدا لەو ساڵەدا ڕێکارەکانی دابەشکردنی زەوی بەسەر فەرمانبەران دا تەواو بکەین و فەرمانبەران بەو مافەی خۆیان بگەن.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە