سەرۆكی حكوومەت لەگەڵ وەزیری دەرەوەی كۆماری چیك كۆبووەوە

پەیامی کورد   ...   سەرۆكی حكوومەت لەگەڵ وەزیری دەرەوەی كۆماری چیك كۆبووەوە

 سێشەممە، 21-01-2025، مەسروور بارزانی، سەرۆکی حکوومەتی هەرێمی کوردستان، لە داڤۆس، لەگەڵ یان لیپاڤسکی، وەزیری دەرەوەی کۆماری چیك کۆبووەوە.

حکوومەتی هەرێمی کوردستان لە ڕاگەێندراوێکدا ئاماژەی بەوە کردووە، لە کۆبوونەوەکەدا پەرەپێدانی پەیوەندییەکانی هەرێمی کوردستان و کۆماری چیك لە بوارە جۆراوجۆرەکاندا، بە تایبەتی لە بواری هەمەجۆرکردنی ئابووری تاوتوێ کرا.

بە گوێرەی ڕاگەێندراوەکە، لە بەشێکی دیکەی کۆبوونەوەکەدا، جەخت لە گرینگی پاراستنی ئاسایش و ئارامی عێراق و هەرێمی کوردستان کرا و بیروڕا لەبارەی دوایین پەرەسەندن و گۆڕانکارییەکانی سووریا  ئاڵوگۆڕ کرا.