دوو بەرهەمی نوێی وەحید کەماڵی ئیلامی چاپ کران

پەیامی کورد   ...   دوو بەرهەمی نوێی وەحید کەماڵی ئیلامی چاپ کران

دوو کتێبی تازە چاپکراوی وەحید کەماڵی ئیلامی بریتین لە "مەسڵەتنامە " و کۆمەڵە شێعری "گوڵباخێ خێاڵ" کە هەردووکیان لەلایەن نووسەرەوە کۆ کراونەتەوە و ڕەوانەی بازاڕی کتێب کراون.

کتێبی "مەسڵەتنامە" لێکۆڵینەوە و کارێکی بەرفراوان لە بواری پەندەکانی کوردیی باشوورە و پەند و وتەی باوی پارێزگاکانی ئیلام و کرماشانی لەخۆ گرتووە.

ئەم بەرهەمە کە بە شێوەزاری کوردی باشوور بە وەرگێڕانێکی فارسی نووسراوە، زیاتر لە هەشت سەد لاپەڕەی هەیە و دەرئەنجامی زیاتر لە سی ساڵ کاری مەیدانی و کۆکردنەوەی نووسەرە.

بەرهەمی دووەم بە ناوی، کۆمەڵە شێعری "گوڵباخێ خێاڵ"‌‌‌‌ـە، کۆمەڵە شیعرێکی نووسەرە کە بە شێوەی کلاسیک و ئازاد نووسیویەتی.

وەحید کەماڵی ئیلامی پێشتر چەندین کتێبی لە بوارەکانی ئەدەبی منداڵان، شێعر بە زمانی کوردی و فارسی، وەرگێڕان، و مێژووی خەبات و ڕاپەڕینەکانی کوردستان چاپ کردووە.