داهاتی نەوتی عێراق لە یەک مانگدا زیاتر بووە لە ١٠ ملیار دۆلار

پەیامی کورد... داهاتی نەوتی عێراق لە یەک مانگدا زیاتر بووە لە ١٠ ملیار دۆلار

لە مانگی ڕابردوودا عێراق زیاتر لە ١٠٢ ملیۆن بەرمیل نەوتی فرۆشتووە و داهاتیش زیاتر بووە لە ١٠ ملیار و ٥٠٠ ملیۆن دۆلار.

کۆمپانیای سۆمۆی تایبەت بە بازاڕ کردنی نەوتی عێراق بڵاوی کردووەتەوە، لە مانگی تەممووز عێراق ١٠٢ ملیۆن و ٢٨٥ هەزار و ٤٩ بەرمیل نەوتی فرۆشتووە.

ڕوونیش کراوەتەوە، داهاتی نەوتی هەناردە کراو لەو مانگەدا ١٠ ملیار و ٥٤١ ملیۆن و ٥٩٤ هەزار و ٢٥٨ دۆلار بووە، هەروەها پابەندیش بووە بە بڕیارەکانی ڕێکخراوی ئۆپێک تایبەت بە زیاکردنی بەرهەمی نەوت.

لای خۆیەوە عەلا خزر یاسری بەڕێوەبەری گشتی کۆمپانیای سۆمۆ وتویەتی، عێراق لە ڕۆژێکدا ٣ ملیۆن و ٨٠٠ هەزار بەرمیلی هەناردە کردووە، ئەوەش بەپێی بڕیارەکانی ڕێکخراوی ئۆپێک و زیادبوونی هەناردەش کار ناکاتە سەر یەدەگی ستراتیژی نەوت.