سەرۆک بارزانی بە بۆنەی جەژنی قیامەوە پەیامێکی بڵاو کردەوە

پەیامی کورد … سەرۆک بارزانی بە بحنەی جەژنی قیامەوە پەیامێکی بڵاو کردەوە

سەرۆك بارزانی بەبۆنەی هاتنەوەی جەژنی قیامە پەیامێکی پیرۆزبایی ئاراستەی کریستیانەکان لە كوردستان و عێراق و هەموو جیهان کرد و رایگەیاند: "هیوادارم هەموو لایەك بە ئاشتی و ئازادی لەگەڵ یەكتردا بژیین".

دەقی پەیامەکە:

بەناوی خودای بەخشندە و میهرەبان

بەبۆنەی هاتنەوەی جەژنی قیامەی حەزرەتی مەسیح (سڵاوی خوای لێ بێت)،گەرمترین پیرۆزبایی خۆم ئاراستەی خوشك و برایانی مەسیحی لە كوردستان و عێراق و هەموو جیهان دەكەم.

هیوادارم ئەو بۆنەیە ببێتە هۆی بەدیهاتنی برایەتی و تەبایی و سەقامگیری و، نەمانی یەكجارەكیی هزری تیرۆر و توندڕۆیی. هەروەها كۆتایی بە نەهامەتییەكانی خوشك و برا مەسیحییەكان و پێكهاتەكانی تر لە عێراق و ناوچەكەدا بێت و هەموو لایەك بە ئاشتی و ئازادی لەگەڵ یەكتردا بژیین.

جەژنتان پیرۆز بێ و هیوای شادی و بەختەوەریتان بۆ دەخوازم.

مەسعود بارزانی

٣ـی نیسانی ٢٠٢١