وەزارەتی شارەوانی ١٠٪ خەرجییەکانی کەم دەکاتەوە
پەیامی کورد ... وەزارەتی شارەوانی ١٠٪ خەرجییەکانی کەم دەکاتەوە
ووتەبێژی وەزارەتی شارەوانی و گەشتوگوزاری حکوومەتی ھەرێمی کوردستان ووتی، لە چوارچێوەی چاکسازی و پێداچوونەوە بە خەرجییەکانی وەزارەتی شارەوانی توانرا ١٠% خەرجییەکان کەم بکرێتەوە بەبێ ئەوەی کاریگەریی لەسەر خزمەتگوزارییەکان ھەبێت.
کوردۆ شابان، ووتەبێژی وەزارەتی شارەوانی و گەشتوگوزاری حکوومەتی ھەرێمی کوردستان، ڕایگەیاند : "وەک وەزارەتی شارەوانی و گەشتوگوزاری حکوومەتی ھەرێمی کوردستان لە چوارچێوەی جێبەجێکردنی چاکسازی و پێداچوونەوە بە خەرجییەکانی وەزارەتی خۆمان لەم دۆخەی ئێستادا توانیومانە١٠%ی خەرجییەکانی وەزارەتەکەمان بە شێوەیەکی گشتی کەم بکەینەوە.''
کوردۆ شابان گوتیشی: "ئەو خەرجییانەی کەم کراونەتەوە لەناو دیوانی وەزارەت و بەرێوبەرایەتییەکان و کەمکردنەوەی ئەو خەرجییانەش ھیچ کاریگەریی لەسەر خزمەتگوزارییەکانی وەزارەت نییە کە پێشکەشی ھاووڵاتییانی خۆی دەکات، بەڵام بەپێویستمان زانی کە پێداچوونەوە بە خەرجییەکاندا بکەین و ئەم کەرنتینەیەمان بەدەرفەتمان زانی بۆ جێبەجێکردنی ئەو پرۆسەیە."
گوتیشی: "ھەر لەو کەرنتینەیەدا توانرا ئەو شوێنانەی شەقامەکانی ناو شاری ھەولێر کە تێک چووبوون نۆژەن بکرێنەوە."
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە