لە باکووری کوردستان بەفرێکی زۆر باریووە و ئاستەنگی هاتووچۆی درووستکردووە
بەرواری بڵاوکردنەوە :
پەیامی کورد... لە باکووری کوردستان بەفرێکی زۆر باریووە و ئاستەنگی هاتووچۆی درووستکردووە
لە شارە جیاوازەکانی باکووری کوردستان کەشوهەوا و بارینی بەفر کاریگەری نەرێنی لەسەر ژیانی هاوڵاتییان دروستکردوە و سەدان رێگە و شوێن بەهۆی بەفرەوە داخراون و هاوڵاتییان ناتوانن بەئاسانی هاتووچۆ بکەن، بەتایبەت خەڵکی شارۆچکە و گوندە شاخاوییەکان.
ماوەی چەند رۆژێکە شەپۆلێکی بەفربارین باکووری کوردستانی گرتووەتەوە و لە پارێزگای وان رێگەی زیاتر لە 270 گوندی ئەو ناوچەیە گیراوە.
لە پارێزگای جۆلەمێرگیش بەفرێکی زۆر باریووە و هاوڵاتییانی 12 گوند و 112 شوێنی نیشتەجێبوون گیراوە و ئاستەنگی هاتووچۆکردنیان بۆ درووستبووە.
لە پارێزگای مووش و بەدلیس بەهەمان شێوە بەفرێکی زۆر باریووە و رێگری لە هاوڵاتییان کردووە بە ئاسانی هاتووچۆ بکەن.
ماوەی چەند رۆژێکە شەپۆلێکی بەهێزی بەفربارین بەشێک لە پارێزگاکانی باکووری کوردستانی گرتووەتەوە و پلەکانی گەرما بەشێوەیەکی بەرچاو دابەزیوون.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە