لە مەخموور داعش چەند هاووڵاتی ڕفاند

پەیامی کورد … لە مەخموور داعش چەند هاووڵاتی ڕفاند

دژە تیرۆری كوردستان رایگەیاند، چەكدارانی داعش لە سنووری مەخموور دوو كەسیان بریندار كردووە و چەند كەسێكی دیكەیان رفاندووە. 

بەپێی راگەیەنراوێكی دژە تیرۆری كوردستا، "گرووپێك لە چەكدارانی رێكخراوی تیرۆریستیی داعش لە نزیك گوندی كەندار لەسەر رێگەی مەخموور بازگەیەك دادەنێن و دوو كەس بریندار دەكەن و ژمارەیەك كەسی دیكەش دەستگیردەكەن".

 بەپێی زانیارییەكان داعش نۆ كەسی رفاندووە، كە دواتر چوار كەسیان ئازاد كراون و هێشتا پێنج كەسیان، كە دووانیان كوردن و سیانیان عەرەبن لەلای چەكدارانی داعشن.

رووداوەكە لە ناوچەیەك روویداوە كە هیچ هێزێكی سوپای عێراق و پێشمەرگەی تێدا نییە و چەند رۆژێك پێش ئێستاش هەر لەو ناوچەدا چەكدارانی داعش دوو تاوەری كارەبایان تەقاندبوەوە.