ئیزنی تێپەڕ بوونی فڕینگەلی تیجاری ئیسرائیل لە سنووری ئاسمانی عەرەبستان دەرکرا

پەیامی کورد      ...     ئیزنی تێپەڕ بوونی فڕینگەلی تیجاری ئیسرائیل لە سنووری ئاسمانی عەرەبستان دەرکرا . یەکەمین فڕینی تیجاری ئیسرائیل بۆ ووڵاتی ئیمارات ئەنجام دەدرێت .

بەرپرسێکی پلە باڵای دەوڵتی ترامپ ڕایگەیاند : عەرەبستانی سەعوودی ڕۆژی دووشەممە ڕەزامەندی دەربڕیوە کە فڕۆکەگەلی ئیسرائیلی لە سەر سنووری ئاسمانی ئەم ووڵاتەوە بەرەو ئیماراتی یەکگرتووی عەرەبی کەڵک وەربگرن .

بە پێی ڕاپۆرتێک کۆشنەر ، بێرکویتز و برایان هۆک هەندێک دوای گەیشتنیان بۆ ووڵاتی عەرەبستان بۆ ووتووێژ ، ئەم بابەتەیان خستووەتە ڕوو .

ئەم بەرپرسە بە ڕۆیتەرزی ڕاگەیاندووە : ئێمە توانیمان دەربارەی ئەم بابەتە هەر دوو لایەنەکە ئاشت بکەینەوە .

ئەم ڕێکەوتننامەیە تەنیا چەند کاتژمێر دوای داڕێشتنی بەرنامەی یەکەمین فڕینی تیجاری ئیسرائیل بۆ ئیماراتی یەکگرتووی عەرەبی کە سەرلەبەیانی ئەمڕۆ شیشەممە ئەنجام درا .

فڕینگەلی ڕاستەوخۆ بەشێک لە مامەڵەکانی ئاسایی کردنەوەی پەیوەندییەکانە کە ئیسرائیل ئەمساڵ لەگەڵ ئیمارات ، بەحرەین و سوودان واژوویان کردووە .

ئەم بەرپرسە ووتی : ئەم ڕێکەوتنە کێشەگەلی سەر بە گواستنەوە و هێنان و بردنی خەڵکی ئیسرائیل بۆ ئیماراتی یەکگرتووی عەرەبی و بەحرەین چارەسەر دەکات .

کۆشنەر و تیمەکەی ئەو لە کۆتایی ئەم هەفتەیەدا لەگەڵ موحەمەد بن سەلمان وەلیعەهدی عەرەبستانی سەعوودی و هەروەها ئەمیری کووەیت چاوپێکەوتنیان دەبێت .

یەکێک لە ئامانجەکانی ئەم سەفەرە بۆ هاندانی ووڵاتانای شەورای هاوکارییەکانی کەنداوی فارسە بۆ کۆتایی هێنان بە گەمارۆوەکانی سێ ساڵەی قەتەرە