ئەمینداری وەزارەتی پێشمەرگە سەبارەت بە کشانەوەی هێزەکانی هاوپەیمانان پەیامێکی گرینگ بڵاو دەکاتەوە

پەیامی کورد     ...   ئەمینداری وەزارەتی پێشمەرگە سەبارەت بە کشانەوەی هێزەکانی هاوپەیمانان پەیامێکی گرینگ بڵاو دەکاتەوە

ئەمینداری وەزارەتی پێشمەرگە رایگەیاند، هێزەکانی پێشمەرگە و سوپای فیدڕاڵی پێویستییان بە پشتیوانیکردنی لۆژیستیکی هەیە، نەک بە هێزی شەڕکەری هاوپەیمانان.
جەبار یاوەر ئەمینداری گشتی وەزارەتی پێشمەرگە رایگەیاند، هێزەکانی پێشمەرگە و سوپای فیدڕاڵی پێویستییان بە پشتیوانی لۆژێستیکی و مەشق و راهێنان و پڕچەککردن و کەرەستەی سەربازی هەیە لەلایەن ئەمریکا و هاوپەیمانی نێودەوڵەتییەوە، نەک هێزی شەڕکەر.

ئاماژەی بەوەشدا، پێشمەرگە و سوپای فیدڕاڵی پێویستیان بە ڕاوێژکاری و پێدانی زانیاری هەواڵگری هەیە لەلایەن هێزەکانی هاوپەیمانی نێودەوڵەتی و ئەمریکاوە.

جەبار یاوەر ئەوەشی خستەڕوو، پێویستە ئەمریکا و هێزەکانی هاوپەیمانان پشتیوانی پێشمەرگە و سوپای فیدڕاڵی بکەن بە فڕۆکەی جەنگی و فڕۆکەی ئاشکراکردنی مۆڵگە و پێگەکانی داعش و ووشککردنی سەرچاوەی فریاکەوتنی ئەو گرووپە و گرتنی سەرجەم رێگاکانە لێیان.