میانمار/ لە خۆپێشاندانەکانی ئەمڕۆ ١٦ کەس کوژراون

پەیامی کورد … میانمار/ لە خۆپێشاندانەکانی ئەمڕۆ ١٦ کەس کوژراون

ئه‌مڕۆ شەممە ٢٧ی ئاداری ٢٠٢١،  له‌ ئاكامی ده‌ستوه‌ردانی هێزه‌ ئه‌منییه‌كان له‌و خۆپیشاندانانه‌ی کە دژبە كوده‌تا سه‌ربازییه‌كه‌ی میانمار و ده‌ستگیركردنی ئه‌ندامانی حكوومه‌تی هه‌ڵبژێردراوی ئه‌و وڵاته‌ به‌ڕێوه‌چوون، ‌لانیكه‌م ١٦ خۆپیشاندەر کوژران.

ماڵپه‌ڕی Myanmar Now بڵاویكرده‌وه‌ كه‌‌ له‌ ئاكامی ده‌ستوه‌ردانی هێزه‌ ئه‌منییه‌كان و ته‌قه‌كردن له‌و خۆپیشاندانانه‌ی دژبە كوده‌تا سه‌ربازییه‌كه‌ی میانمار و ده‌ستگیركردنی ئه‌ندامانی حكوومه‌تی هه‌ڵبژێردراوی ئه‌و وڵاته‌ به‌ڕێوه‌چوون، ١٦ خۆپیشاندەر له‌ شاره‌كانی یانگۆن، ماندالای، میه‌یك، ووندوین، مه‌یختیلا و كیاوكپاداونگ کوژراون.

تا ئێستا له‌ ئاكامی ده‌ستوه‌ردانی هێزه‌ ئه‌منییه‌كان له‌ خۆپیشاندانه‌كاندا، ٣٤٤ كه‌س کوژراون‌.