٢٥ کەمپی ئاوارەکان لە هەرێمی کوردستان دادەخرێت

پەیامی کورد... ٢٥ کەمپی ئاوارەکان لە هەرێمی کوردستان دادەخرێت


وەزارەتی کۆچ و کۆچبەرانی عێراق ڕایدەگەیەنێت لە ماوەیەکی کەمدا ٢٥ کەمپی ئاوارەکان لە هەرێم دادەخرێت و ئاوارەکان دەگەڕێنەوە شوێنەکانی خۆیان.

کەریم نوری یاریدەدەری وەزیری کۆچ و کۆچبەرانی عێراق بۆ میدیا ناوخۆییەکانی ئاماژەی بەوەدا: هەوڵەکانیان چڕکردووەتەوە بۆ گێڕانەوەی ئاوارەکان بۆ زێدی خۆیان و داخستنی کەمپەکان لە سەرتاسەری عێراقدا.

ئەوەشی خستەڕوو: وەزارەتەکەیان لەگەڵ هەرێم لە پەیوەندیدایە بە ئامانجی داخستنی ٢٥ کەمپ لە پارێزگاکانی هەرێم.

لە بارەی ئاستەنگەکانی بەردەم گەڕانەوەی ئاوارەکان کەریم نوری ڕایگەیاند: لە ئێستادا وەزارەت دەستیكردووە بە خەرجكردنی دارایی بە شێوەی قۆناغ بە قۆناغ و لەئێستادا گەیشتووەتە قۆناغی نۆیەمی خەرجكردنی ئەو بڕە پارەیە، هەروەها وەزارەت بە چەند پێوەرێك ئەو پارە خەرج دەكات.