پۆمپێئۆ : " پاراستنی شەڕڤانانی کورد لە لایەن ئەردۆغان ەوە ڕاستە و ئەو سۆزی پاراستنیانی داوە و لە ئێمە تێدەگات " !!!

پەیامی کورد  ...  پۆمپێئۆ لە کوردستان ڕایگەیاند ...  ئەردۆغان سۆزی پاراستنی شەڕڤانانی کوردی داوە .

وەزیری دەرەوەی ئەمریکا مایک پۆمپێئۆ لە هەولێر پایتەختی هەرێمی کوردستان ڕایگەیاند : سەرۆککۆماری تورکیا ڕەجەب تەیب ئەردۆغان سۆزی بە واشینتۆن داوە کە دوای کشانەوەی هێزەکانی ئەمریکا لە سووریا پارێزگاری لە شەڕڤانە کوردەکان بکات .

پایک پۆمپێئۆ لە هەولێر بە ڕۆژنامەوانانی ڕاگەیاند و ووتی : " زۆر گرینگە بە هەموو هێز و تواناکانی خۆمانەوە کار بکەین بۆ پاراستنی شەڕڤانان کە لەگەڵ ئێمەدا شەڕیان کردووە و هەروەها ئەردۆغانیش لەم داواکارییەی ئێمە تێدەگات .

پۆمپێئۆ باسی لە سەر ڕاگەێندراوەکانی پێشووی ئەردۆغان کرد کە مەترسی بۆ سەر تورکیا هەیە ، ئاماژەی کرد ، ئەردۆغان لەگەڵ بەرپرسانی ئەمریکا بەو شێوەیەی کە پێویستە ڕێکەوتن دەکات و هەروەها پێویستە تیرۆر لەناو بچێت و ئەمریکاش لەم بابەتەدا هاوکاری تورکیا دەکات .

وەزیری دەرەوەی ئەمریکا مایک پۆمپێئۆ دوێنێ ٩ی جانیوەری ٢٠١٩ لە چوارچێوەی سەردانەکانی خۆی بۆ ووڵاتانی ڕۆژهەڵاتی ناوەڕاست دوای سەردانی کردنی چاوەڕوان نەکراوی بۆ عێراق ، سەردانی هەولێری پایتەختی هەرێمی کوردستان یشی کرد .

پۆمپێئۆ لە هەولێر سەردانی سەرۆکی هەرێم مەسعوود بارزانی ، هەروەها هەریەکە لە نێچیرڤان بارزانی و ڕاوێژکاری ئەنجوومەنی ئاسایشی هەرێمی کوردستان مەسروور بارزانی کرد .

وەزیری دەرەوەی ئەمریکا لە سەر سەردانەکەی بۆ هەرێـمی کوردستان گووتی : " ئێمە لەگەڵ کوردستان و دۆستانی خۆمان چاوپێکەوتنی زۆر باش و گرینگمان پێک هێنا .