پەیامی سەرۆکی پەرلەمان : خەڵکی کوردستان لە هەموومان تووڕەن

پەیامی کورد    ...    پەیامی سەرۆکی پەرلەمان : خەڵکی کوردستان لە هەموومان تووڕەن .

رێواز فایه‌ق سه‌رۆكی په‌رله‌مانی كوردستان ده‌ڵێت:" كوردستانیان له‌ هه‌موومان توڕه‌ن و ناڕه‌زایه‌تیه‌كانیان سنوور ناناسێت، لێگه‌ڕێن با ئازادانه‌ گوزارشت له‌ خۆیان بكه‌ن".
رێواز فایه‌ق له‌ په‌یجی فه‌رمی خۆی له‌ تۆڕی كۆمه‌ڵایه‌تیی فه‌یسبوك په‌یامێكی كورتی بڵاوكردوه‌ته‌وه‌ و نوسیویه‌تی "كوردستانیان له‌ هه‌موومان توڕه‌ن، ناڕه‌زایه‌تیه‌كانیان سنوور ناناسێت، ئه‌وان له‌ دهۆك بن یان هه‌ولێر و سلێمانی و هه‌ڵه‌بجه‌، هه‌ڵگری خه‌مێكی هاوبه‌شن، به‌ ئاسانی یه‌كتر ئه‌دۆزنه‌وه‌، لێگه‌ڕێن با ئازادانه‌ گوزارشت له‌ خۆیان بكه‌ن، ئه‌ركی ده‌سه‌ڵاتی سیاسییه‌ گوێڕادێریان بێت و وه‌ڵامی ئه‌رێنی بۆ داواكانیان هه‌بێت".
ئه‌و قسانه‌ی سه‌رۆكی په‌رله‌مانی كوردستان له‌ كاتێكدایه‌، دوێنێ له‌ پارێزگای دهۆك ژماره‌یه‌ك له‌ مامۆستایان و فه‌رمانبه‌ران و چالاكوانان، دژی دواكه‌وتنی مووچه‌ خۆپیشاندانیان كرد و له‌لایه‌ن هێزه‌ ئه‌منییه‌كانه‌وه‌ ژماره‌یه‌كیان لێ ده‌ستگیركرا.