مەسروور بارزانی سەرۆکی حکوومەتی هەرێمی کوردستان، پێشوازی لە سەرۆکی دامەزراوەی دانیال میتران دەکات

ئەمڕۆ سێشەممە ٧ی دیسەمبەری ٢٠٢١ مەسروور بارزانی سەرۆکی حکوومەتی هەرێمی کوردستان، پێشوازی لە گیلبێرت میتران کوڕی دۆستی دێرینی گەلی کوردستان خاتوو دانیال میتران و سەرۆکی دامەزراوەی " دانیال میتران-فرانس لیبرتێ " کرد.

لە دیدارەکەدا کە باڵیۆزی فەرەنسا لە عێراق ئێریک شۆڤالیێ ئامادەی بوو ، سەرۆکی حکوامەت، بەڕێز و پێزانینەوە، باسی لە هەڵوێستی دۆستانە و پشتیوانی خاتوو دانیال میتران و فرانسوا میتران ی کرد کە لە ڕۆژانی سەختدا پشتیوانیان لە گەلی کوردستان کردووە، بۆیە هەمیشە، کردەوە و هەڵوێستە مێژووییەکانیان لە یادی گەلی کوردستان بە زیندوویی دەمێننەوە.  

سەرۆکی دامەزراوەی " دانیال میتران-فرانس لیبرتێ " ، ئاماژەی بەوەدا کە پێشکەوتنی هەرێمی کوردستان و سەرکەوتنی حکوومەتی هەرێم ، جێی هیوا و ئومێدە و ئامادەیی خۆشی، بۆ پشتیوانکردنی هەرێمی کوردستان، لە نێوەندە دیپلوماسییەکانی جیهاندا دووپات کردەوە.