سەرۆك بارزانی پێشوازی لە شاندێكی هاوپەیمانێتیی ئیدارەی دەوڵەت کرد

پەیامی کورد... سەرۆك بارزانی پێشوازی لە شاندێكی هاوپەیمانێتیی ئیدارەی دەوڵەت کرد

سەرۆك مەسعود بارزانی، پێشوازیی لە شاندێكی هاوپەیمانێتیی ئیدارەی دەوڵەت كرد و چەند بابەتێكیان تاوتوێ كرد.

ئەمڕۆ دووشەممە 10/10/2022، سەرۆك بارزانی پێشوازیی لە شاندێكی هاوپەیمانێتیی ئیدارەی دەوڵەت كرد، لە كۆبوونەوەكەدا بارودۆخی سیاسیی عێراق و ڕێڕەوی دانوساندنەكانی پەیوەست بە دانیشتنی داهاتووی پەرلەمان و دیاریكردنی سەرۆك كۆمار و پێكهێنانی حكوومەتی فیدڕاڵی تاوتوێ كرا.

بەشداربوانی كۆبوونەوەكە لەسەر دیراسەكردنی ئەو بابەتە هەستیارانە و گەییشتن بە چارەسەر ڕێك كەوتن، ئەویش بەر لە بەستنی كۆبوونەوەی پەرلەمانی تایبەت بەم پرسە.