سزاکەی سەر کۆڕەک تێلیکۆم کۆتایی هات

 پەیامی کورد  ...  سزای ڕاگرتنی پەیوەندیەكانی كۆمپانیای كۆڕەك تیلیكیۆم لەگەڵ كۆمپانیاكانی دیكەی پەیوەندی كردن شەوی ڕابردوو كۆتایی هات.

سەرچاوەیەك لە ناو كۆمپانیای كۆڕەك تیلیكۆم رایگەیاند: ئەمشەو كاتژمێر 10 سزای راگرتنی پەیوەندیەكانی كۆمپانیای كۆڕەك تیلیكۆم لەگەڵ كۆمپانیاكانی زەین و ئاسیاسێڵ كۆتایی هاتوە و لە ئێستادا هاوڵاتیان دەتوانن پەیوەندییەكانیان لەرێگەی ژمارە مۆبایلەكانی ئەو كۆمپانیایانەوە ئەنجام بدەن.

لەلایەكی دیكەوە كۆمپانیای كۆڕەك تیلیكۆم وەك قەرەبویەك بۆ بەشداربووانی ناو تۆڕەكەی 100 خولەك و 100 نامەی ناو تۆڕەكەی وەك دیاری داوەتە بەشداربوانی كە ماوەی پێنج ڕۆژ كاری پێدەكرێت، ئەویش لە رێگەی ناردنی ژمارە 100 بۆ 234 ی كۆمپانیاكە.

رۆژی 23 ی مانگ ئەنجوومەنی ڕاگەیاندن و پەیوەندیەكانی حكوومەتی ناوەندی لە بڕیارێكی ئیداریدا سزای كۆمپانیای ناوبراوی دا بە بڕینی پەیوەندیەكانی لەگەڵ كۆمپانیاكانی دیكەی پەیوەندیكردن.

لەو بارەیەشەوە لە ڕاگەیندراوێكدا ، كۆمپانیای كۆڕەك تیلیكۆم داوای لێبوردنی لە بەشداربووانی كرد و رایگەیاند كە ئەنجوومەنی راگەیاندن و پەیوەندیەكانی حكوومەتی ناوەندی بە نادادپەروەرانە و پێشێلكردنی مافی بەشداربوون لێكداوەیەوە.