ئێران/ تەقینەوەیەک ٦ کوژراوی لێکەوتەوە

پەیامی کورد ... ئێران/ تەقینەوەیەک ٦ کوژراوی لێکەوتەوە

بەهۆی تەقینەوەیەک لە شاری ئەهوازی ناوەندی پارێزگای خوزستان شەش کەس کوژراون.

بەپێی ئەو زانیاریانەی کە ئەمڕۆ یەکشەممە میدیاکانی ئێران بڵاویان کردووەتەوە،  تەقینەوەکە بووەتە هۆی برینداربوونی نۆ کەس و زیانێکی زۆریشی بە چەند بینا و دوکانێک گەیاندووە.

هاوکات، موجتەبا خالیدی وتەبێژی بەڕێوەبەرایەتی فریاکەوتنی ئێران رایگەیاندووە، تا ئێستا هۆکاری تەقینەوەکە یەکلایی نەکراوەتەوە، بەڵام لێکۆڵینەوە سەرەتاییەکان ئاماژە بە ئەگەری لێچوونی غاز لە بینایەک دەکەن.