پەرلەمانی کوردستان یاسای هاوردەکردن و فرۆشتنی بەرهەمە نەوتییەکانی پەسەند کرد

پەیامی کورد … پەرلەمانی کوردستان یاسای هاوردەکردن و فرۆشتنی بەرهەمە نەوتییەکانی پەسەند کرد

پەرلەمانی کوردستان بەکۆی دەنگ یاسای هاوردەکردن و فرۆشتنی بەرهەمە نەوتییەکانی پەسەند کرد.

لە دانیشتنی ئەمڕۆی پەرلەمانی کوردستان، بە دەنگی ٩٧ پەرلەمانتار یاسای هاوردەکردن و فرۆشتنی بەرهەمە نەوتییەکان پەسەندکرا.

کاتژمێر ١١ی پێشنیوەڕۆی ئەمڕۆ سێشەممە ٢٠ی٤ی٢٠٢١، دانیشتنی ژماره‌ (8)ی ئاسایی خولی بەهارەی ساڵی سێیەم له‌خولی هه‌ڵبژاردنی پێنجه‌می په‌رله‌مانی كوردستان-عێراق، بەڕێوەچوو و تیایدا دەنگدان لەسەر پێشنیازە یاسای هاوردەکردن و فرۆشتنی بەرهەمە نەوتییەکان لە هەرێمی کوردستان ئەنجامدرا و بەکۆی دەنگی ٩٧ پەرلەمانتار یاساکە پەسەندکرا.

هەر لە دانیشتنی ئەمڕۆی پەرلەمانی کوردستان، خوێندنەوەی یەکەم بۆ پێشنیازە یاسای هەمواری یەکەمی یاسای بەخاوەنکردنی ئەو زەوییانەی لە سنوری شارەوانییەکان زێدەڕۆییان لەسەر کراوە، ئەنجامدرا.