شاندێكی ئەنەكەسە لەسەر دەستپێشخەری هەرێمی کوردستان لەگەڵ نوێنەری تایبەتی پووتین كۆدەبنەوە
بەرواری بڵاوکردنەوە :
پەیامی کورد ... ئەندامێكی ئەنجوومەنی نیشتیمانی كورد لە سووریا گوتی، ئەمڕۆ لەسەر دەستپێشخەریی هەرێمی كوردستان شاندێكی پەیوەندییەكانی ئەنەكەسە لەبارەی دۆخی كورد لە سووریا و كێشەكانی سووریا لەگەڵ نوێنەری تایبەتی سەرۆكی رووسیا كۆدەبنەوە.
ئەندامی ئەنجوومەنی نیشتیمانی كورد لە سووریا، د. كاوە ئازیزی، ڕایگەیاند : بڕیارە ئەمڕۆ لەسەر دەستپێشخەریی هەرێمی كوردستان، نوێنەری تایبەتی ڤلادیمێر پووتین، سەرۆكی رووسیا، لەگەڵ شاندێكی پەیوەندییەكانی دەرەوەی ئەنەكەسە كۆببێتەوە.
ئازیزی گوتیشی: "مەبەست لەو كۆبوونەوەیە، پتەوكردنی پەیوەندییەكانی هەردوولایە، چوونكە ئێمە و رووسیا پەیوەندیمان زۆر باشە، بۆیە لەو كۆبوونەوەیەدا گفتوگۆ لەبارەی دۆخی سووریا بە گشتی و كێشەكانی نێوان پەیەدە و ئەنەكەسە بە تایبەتی و پێدانی مافەكانی كورد لە سووریای تازە دەكرێت".
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە