ئەشکەنجە و ئازاری کۆڵبەرێکی کورد لەلایەن سوپای پاسدارانەوە
پەیامی کورد... ئەشکەنجە و ئازاری کۆڵبەرێکی کورد لەلایەن سوپای پاسدارانەوە
کۆڵبەرێکی خەڵکی نۆدشە بە ناوی محەممەد ئەمین ئەمینی تەمەن ٤٠ ساڵ لەلایەن هێزەکانی سوپای پاسداران بە سەختی ئەشکەنجە کراوە و دواتر بە دەست بەستراوی بۆ بنکە تەندروستییەکانی شاری پاوە گوازراوەتەوە.
بە گوێرەی ڕاپۆرتێکی هەنگاو: "محەممەد ئەمین ئەمینی خێزاندار و باوکی منداڵێکە کە لە نزیکی گوندی نروێ لەلایەن هێزەکانی سوپای پاسدارانەوە بە سەختی ئەشکەنجە دراوە و دەست، شان، کەمەر و دەموچاوی بە سەختی بریندار بووە."
ئەو سەرچاوە لە درێژەدا وتی کە هێزەکانی سوپای پاسداران محەممەد ئەمین ئەمینییان لە کاتێکدا بە سەختی بریندار بووە ڕادەستی کەڵانتەری نۆدشە کراوە و بە دەست بەستراوی بۆ نەخۆشخانەی قودسی شاری پاوە کراوە.
محەممەد ئەمین ئەمینی بەکالریۆسی مێژووی لە زانکۆی تەورێز وەرگرتووە و بە هۆی ڕەدکرانی لەلایەن ناوەندە ئەمنییەکانەوە لە هیچ ئیدارەیەک دانەمەزراوە و لە ڕووی ناچارییەوە ڕووی لە کۆڵبەری کردووە.
چارەنووسی ئەم کۆڵبەرە دوای گواستنەوەی بۆ بنکە تەندروستییەکانی شاری پاوە نادیارە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە