پێشڕەویی شەڕڤانان لەدێرەزوور بەردەوامە
هێزەکانی سوریای دیموکرات، لەچوارچێوەی ئۆپراسیۆنی رزگارکردنی ناوچەکانی دێرەزووردا گەیشتوونەتە قۆناغێکی گرنگ و دوو كیلۆمەتریان ماوە بگەنە گوندی باغوز.
ئاژانسی فورات نیوز، لە هەواڵێکیدا بڵاویکردووەتەوە، کە شەڕڤانانی هێزەكانی سوریای دیموكرات (هەسەدە) بەردەوامن لە پێشڕەویكردن.
باس لەوەشکراوە، کە شەڕڤانان لەو ناوچەیەدا مینە چێندراوەكانیان پووچەڵكردووەتەوە و دوو كیلۆمەتریان ماوە بگەنە گوندی باغوز، لەسەر لێواری رووباری فورات لە سنووری قەزای بوكەمال.
جێی ئاماژەیە، قۆناغی كۆتایی هەڵمەتی گەردەلوولی جەزیرە ماوەی (١٠) رۆژە بەردەوامی هەیە، و لەو قۆناغەشدا شەڕڤانانی هەسەدە لەسەر سنووری سوریا – عێراق (٢١) كیلۆمەتر پێشڕەوییان كردووە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە