یەکیتی ئەورووپا پشتگیری لە ھەرێمی کوردستان دەکات

پەیامی کورد   ...  یەکیتی ئەورووپا پشتگیری لە ھەرێمی کوردستان دەکات

نوێنەری حکوومەتی ھەرێمی کوردستان لە یەکێتی ئەورووپا ووتی : پەیامی ھەرێمی کوردستانمان لەبارەی ھەموو پرسەکان بەتایبەت ھێرشی ئەم دواییەی ئیران بۆ سەر ھەرێمی کوردستان گەیاندووەتە یەکیتی ئەورووپا ، ئەوانیش پشتگیری لە ھەرێمی کوردستان دەکەن. 

نوێنەری حکوومەتی ھەرێمی کوردستان لە یەکیتی ئەورووپا دلاوەر ئاژگەیی، ڕایگەیاند : لەبارەی  ھەموو ئەو پرسانەی پەیوەست بە ھەرێمی کوردستانن، لەوانە ھێرشەکانی ئەم دواییەی ئێران بۆ سەر ھەرێمی کوردستان، کێشەکانی نێوان ھەرێمی کوردستان و عێراق، قەیرانی دارایی و پرسەکانی دیکەش لە پەرلەمانی یەکێتی ئەورووپا و لەناو کۆمسیۆنی ئەوروپا زیاتر لەگەڵ ئۆفیسی سیاسەتی دەرەوە و ئاسایشی یەکیتی ئەورووپا  گفتوگۆیان کردووە، بۆیە ئەوان لەبارەی ئەو پرسانە گفتوگۆیان لەگەڵ کردووە و بۆیان ڕوونکردوونەتەوە و زانیارییان پێداون. 

 دلاوەر ئاژگەیی ووتیشی: ھەر بارودۆخێکی تایبەت بە ھەرێمی کوردستان درووست بێت، پەیامی  خەڵکی ھەرێمی کوردستان و حکوومەتی ھەرێمی کوردستانمان گەیاندووە بە یەکیتی ئەورووپا و بەردەوامیش دەبین لە گەیاندنی پەیامەکانی  ھەرێمی کوردستان بەیەکێتی ئەورووپا. 

ئاژگەیی باسی لەوەش کرد : لەدوای ھێرشی ئێرانیش بۆ سەر ھەرێمی کوردستان پەیامی ھەرێمی کوردستانیان بە یەکیتی ئەورووپا گەیاندووە، ئەوانیش بەڕوونی ھەڵوێستی خۆیان دەربڕیووە و سەرەڕای ئیدانەکردنی ئەو ھێرشانە، پشتگیری و پشتیوانی خۆشیان بۆ ھەرێمی کوردستان دەربڕیووە.