پەتاتەی هەرێمی كوردستان هەناردەی سعودییە دەكرێت

پەیامی کورد... پەتاتەی هەرێمی كوردستان هەناردەی سعودییە دەكرێت


یەكێتیی هاوردە و ناردنكارانی هەرێمی كوردستان لقی هەولێر رایدەگەیەنێت، “بەپێی ئەو رێككەوتنەی لە نێوان هەرێمی كوردستان و سعودییە هەیە، بڕیارە سبەی دووشەممە دووەم كاروانی پەتاتەی هەرێمی كوردستان هەناردوەی سعودییە بكرێت كە بڕەكەی 100 تۆنە.

بەپێی راگەیەندراوێكی یەكێتیی هاوردە و ناردنكارانی هەرێمی كوردستان لقی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، سبەی دووشەممە دووەم كاروانی پەتاتەی كوردستان بە بڕی (100 تۆن) هەناردەی سعودییە بكرێت.

ئاماژە بۆ ئەوەش كراوە، بەپێی ڕێككەوتنێك كە واژووكرا لە نێوان كۆمپانیای ئاوڕا و سعودیە تایبەتە بە دابینكردنی بڕی 300 تۆن بەرهەمی پەتاتە، بڕیارە بەیانی كاتژمێر10ی سەر لە بەیانی دووەم كاروانی پەتاتەی كوردستان بە بڕی 100 تۆن هەناردەی سعودیە بكرێت.