باڵیۆزی‌ به‌ریتانیا له‌عێراق سەرەخۆشی لەنێچیرڤان بارزانی دەکات

به‌بۆنه‌ی‌ كۆچی دوایی دلۆڤان ئیدریس بارزانی، باڵیۆزی‌ به‌ریتانیا له‌عێراق پرسه و سه‌ره‌خۆشی ئاراسته‌ی‌ نێچیرڤان بارزانی سه‌رۆك وه‌زیرانی هه‌رێمی كوردستان كرد، له‌نامه‌یه‌كەشدا نووسیویه‌تی‌، "له بری هه‌موو هاوكارانم و هه‌موو دۆسته‌كانت له به‌ریتانیا پرسه و سه‌ره‌خۆشیی خۆمانتان پێ ڕاده‌گه‌یه‌نم".

ئه‌مه‌ش ده‌قی‌ نامه‌كه‌یه‌..

ڕێزدار سه‌رۆك وه‌زیران نێچیرڤان بارزانی

حكومه‌تی هه‌رێمی كوردستان

به‌ڕێز سه‌رۆكوه‌زیران نێچیرڤان، له بری هه‌موو هاوكارانم و هه‌موو دۆسته‌كانت له به‌ریتانیا پرسه و سه‌ره‌خۆشیی خۆمانتان پێ ڕاده‌گه‌یه‌نم به بیستنی هه‌واڵی كۆچی دوایی برای به‌ڕێزتان دلۆڤان.

ناردنی ئه‌م نامه‌یه و هاوشێوه‌كانی نیشانه‌ی نیشتمانپه‌روه‌ری، به‌رزنرخاندنی ماندووبوونه‌كانی كۆچكردووه كه له‌پێناو گه‌لی كورد هه‌وڵی بۆ ده‌دا.

به بیر و نزاكانمان له‌گه‌ڵتانین له‌م كاته سه‌خته‌.

دڵسۆزتان

جۆن وولكس

باڵیۆزی به‌ریتانیا له عێراق

سه‌رله‌به‌یانی‌ دوێنێ (٢-٤-٢٠١٨) دلۆڤان ئیدریس بارزانی‌ برای نێچیرڤان بارزانی له‌شاری‌ هه‌ولێر به‌هۆی‌ جه‌ڵته‌ی‌ دڵه‌وه‌ كۆچی‌ دواییكرد.