کرێکارێکی خەڵکی سنە لە لایەن دەزگای ئێستێخباراتی ئێرانەوە دەستبەسەر کرا
چالاکێکی کرێکاری خەڵکی سنە لە لایەن هێزە ئەمنییەکانی ئەو شارەوە دەستبەسەر کرا.
بەپێی هەواڵ و زانیارییەکان ، ڕۆژی دووشەممە " ٨ی ئۆکتۆبەری ٢٠١٨ " ، هێزەکانی دەزگای ئێستێخباراتی شاری سنە هێرشیان کردووەتە سەر ماڵی چالاکێکی کرێکاری بەناوی ”زانیار دەباغیان“ و دەستبەسەریان کردووە.
سەرەڕای تێپەڕبوونی سێ ڕۆژ لە دەستبەسەرکرانی زانیار دەباغیان هیچ زانیارییەک لە سەر چارەنووسی ناوبراو لە بەر دەستدا نییە.
زانیار دەباغیان ئەندامی کۆمیتەی هاوئاهەنگی بۆ هاوکاری کردنی ڕێکخراوە کرێکارییەکانە و لەماوەی ساڵانی ڕابردوودا چەندین جار بانگهێشتی ناوەندە ئەمنییەکان و دەستبەسەر کراوە.
سەرەڕای هەوڵ و بەداداچوونی بەردەوامی بنەماڵەکەی، لە چارەنووس و شوێنی ڕاگیرانی ئەم چالاکە کوردە هیچ هەواڵێک بە بنەماڵە و کەسوکاری نەدراوە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە