خواردنی بادەم چی بەسەر جەستە دەهێنێت؟

پەیامی کورد... خواردنی بادەم چی بەسەر جەستە دەهێنێت؟


بەگوێرەی توێژینەوەیەكی زانستی رۆژانە خواردنی مشتێك بادەم پارێزگاریی لە تەندروستیی ریخۆڵەكان دەكات و ئەگەری توشبوون بە نەخۆشییە درێژخایەنەكان كەمدەكاتەوە.

كۆلێژی كینگەر لەندەن لە بریتانیا توێژینەوەكەی ئەنجامداوە و لە گۆڤاری American Journal of Clinical Nutrition بڵاوبووەتەوە و تیایدا هاتووە، رۆژانە خواردنی مشتێك بادەم ریخۆڵەكان بە تەندروستیی دەهێڵێتەوە و نیگەرانی و ئاستی مەترسی توشبوون بە نەخۆشی شەكرە و هەوكردن ناهێڵێت.

توێژەران رایدەگەیەنن، گرنگ نییە چی دەخۆیت گرنگ ئەوەی بزانیت چۆن دەیخۆیت و رێگە دروستەكەی خواردنی بزانیت، نمونە زیادەڕەوی لە خواردنی بادەمدا نەكرێت و رۆژانە مشتێك لەو چەرەسە بخورێت ئەوا جەستە سوودی لێوەردەگرێت.

لە بادەمدا چەوری سوودبەخش و ماددەی ریشاڵی و پۆلیفینۆڵین هەیە و ئاستی بەرهەمهێنانی ترشە چەوری ریخۆڵەكان زیاد دەكات و رێگریی لە قۆڵۆن و نارەحەتی جوڵەی ریخۆڵەكان دەگرێت، هۆكار دەبێت بۆ بەهێزكردنی سیستمی بەرگریی جەستە.