Li Efrînê teqîn: 5 kesan can da

PeyamaKurd - Hat ragihandin ku şevê din li Efrînê motorsikletek hatiye teqandin ku di encama wê teqîna bihêz de, 5 kesan can daye.

Li gor zanyariyên xwecihî teqîn li ser otorêya bajaroka Raco ya Efrînê rûda ku motorsikleteke bombebarkirî hat teqandin.

Çavkaniyên herêmî radigihînin ku di teqînê de 5 kesan can daye û 4 kes jî birîndar bûne.

Ev demeke li Efrînê êrîş bi ser komên çekdar ên opozîsyonê û leşkerên Tirkiyê de pêk tên ku niha Efrîn ji aliyê wan hêzan ve hatiye dagirkirin.

Hêjayî gotinê ye, ev çend roj in li herêmên Ezez, Raî û Babê jî êrîşên bi vî awayî tên kirin.