Li Kerkûkê teqînek çêbû: 2 kes hatin kustin!

PeyamaKurd- Li Kerkûkê mayîn teqî û di encama teqînê de 2 kesên sivîl jiyana xwe ji dest dan. Tê texmînkirin ku mayîn ji aliyê IŞÎDê ve hatiye bicihkirin.

Hat ragihandin ku mayîna ku ji aliyê IŞÎDê ve hatibû bicihkirin, teqiya û di encama teqînê de 2 kesên sivîl hatine kuştin. Di derbarê bûyerê de qaymeqamê Hawîcê Sebhan el-Cubburî daxuyaniyek da û got ku li gundê Tel Dehebê yê nehiya Abbasiyê ya bi Hawîcê ve girêdayî, du rêncberan pêl mayînê kirine û jiyana xwe ji dest dane.

Cubbûrî got ku em texmîn dikin ku ev mayîn ji zû de hatibû bicihkirin. Di derbarê bûyerê de lêpirsîn hatiye destpêkirin.