Li Semsûrê erdhejeke bi hêza 4.3 rû da

PeyamaKurd - Li bajarê Semsûrê yê Bakurê Kurdistanê ku di encama erdhejên 6ê Sibatê de, wêran bûye îro 13ê Nîsanê erdhejeke din a tund çêbû.

Hat ragihandin ku îro li demjimêr 16:26 bi hêza pileya 4.3 erdhej li Semsûrê çêbû.

Li gorî AFADê kûrahiya erdhejê 7 kîlometre bûye û navenda wê jî Sincik bûye ku heta niha ti ziyanek nehatiye ragihandin.

Rasatxaneya Kandillî jî mezinahiya erdhejê wekî 4.3 û kûrahiya wê jî 6.2 kîlometre eşkere kir.

Piştî erdhejên mezin ên bi tundiya 7.7 û 7.6 ên Mereşê heta niha di nav zêdetirî du mehan de, nêzî 30 hezar paşlerz çêbûne ku dibe heta salekê jî dewam bikin.