Balafira Norweçê bû qurbana dorpêçan

PeyamaKurd- Balafira Norwegiyan di 14 ê meha borî de dema sefera navbera Dûbaî-Oslo dikir, ariza dabû û mecbûr mabû xwe deyne balafirgeha bajarê Îranê Şîrazê an ku bi navê rojavahiya Persepolîsê.

Norwegiyan tîmeka tamîrê şand Şîrazê lê di encamê de gihan wê baweriyê ku divê motora balafirê biguhire lê bi sedema dorpêçên ser Îranê nikarin motorê bibin Îranê.

Piştî ku balafir ariza kiribû, rêwî û xebatkarên wê rojek di şûnde şandibûn bo bajarê Osloyê lê balafir li Şîrazê mabû. Bo guhertina motorê şîrket li benda îzna taybet ya Amerîka ye.