Balafirên ser yên Tirkiyê navenda Efrînê bombebaran dikin

Balafirên şer yên artêşa Tirkiyê navenda bajarê Efrînê bombebaran dikin.

Berdevkê yekîneyên parastina gel (YPG) Brûsk Hesekê ji navenda çapemeniya YPGê ragihand ku hêzên artêşa Tirkiyê û çekdarên hevalbendên wê, derbasî navenda Efrînê dibin û balafirên Tirkiyê jî bajêr bombebaran dikin.

Herwiha Berdevkê yekîneyên parastina gel (YPG) da nîşandan ku di navbera şervanên Kurd û Artêşa Tirk de di nava bajêr de şerekî giran dest pê kiriye û wiha berdewam kir: Em tirs dikin ku gelek sivîl ji aliyê artêşa Tirk ve werin qetilkirin. Bombebarana Artêşa Tirkiyê berdewam e û bi hezaran sivîl di bajêr de dijîn.