Çekdarên Ehrar El Sam li Efrînê 3 kes revandin

PeyamaKurd – Hate ragihandin ku çekdarên rêxistina Ehrar El Şam a Tirkiye piştevaniya wan dike, li Efrînê 3 welatî revandin û birin cihekî nediyar.

Li gorî çavkaniyên xwecihî, kesên hatine revandin Rêzan Mihemed ji bajarê Cindirêsê, Mihemed Bekir ji gundê Yalankozê yê Cindirêsê û Ehmed Mihemed ji gundê Hesen Dêra yê bajarê Bibilê ne.

Hate diyar kirin çarenivîsa wan kesên hatine revandin heta niha nayê zanîn.

Hêjayî gotinê ye, tevî raporên saziyên mafên mirovan û Neteweyên Yekbûyî ji sala 2018an dema dagirkirina Efrînê bûyerên revandin û kuştinê bi destê çekdarên hevkarên artêşa Tirkiyeyê berdewam dike.