Almanya | Serokwezîrê Kurdistanê îro bi Zarîf û Çavusoglu re dicive

PeyamaKurd – Serokwezîrê Herêma Kurdistanê Mesrur Barzanî li Konfrensa Ewlehiyê ya Cîhanî Munîh a Almanyayê hevdîtinên xwe bi berpirs û rayedarên welatan re di roja sêyemîn de didomîne.

Li gorî bernameya Serokwezîr Barzanî îro 16ê Sibatê bi Wezîrê Derve yê Îranê Cewad Zarîf û Wezîrê Derve yê Tirkiyê Mevlut Çavuşoglu re dicive.

Mesrur Barzanî roja Înê 14ê Sibatê bi Wezîrê Derve yê Amerîka Mike Pompeo, Wezîrê Enerjiyê yê Amerîka Dan Brouilette, Wezîrê Berevaniya Almanya Annegret Kramp-Karrenbauer, Serokwezîrê Bulgarya Boyko Borisov û Wezîrê Berevaniya Iraqê Necah Şemmerî re hevdîtin pêk anîbûn.

Serokwezîr Barzanî doh 15ê Sibatê jî bi Wezîrê Berevaniya Amerîka Mark Esper, Serokwezîrê Kuwetê Sabah el-Xalid el-Sabah, Wezîrê Derve yê Rûsya Sergey Lavrov, Serokwezîrê Holanda Mark Rutte, Wezîrê Berevaniya Kanadayê Harjit Sajjan, Wezîrê Derve yê Fransa Jean-Yves Le Drian, Senatorê Amerîkî Lindsey Graham, Şanda Parlamena Almanyayê, Sekreterê Giştî yê Yekîtiya Erebî Ehmed Ebûl Xeyt, Wezîrê Derve yê Urdunê Ayman Safadî û Wezîrê Derve yê Iraqê Muhammed Eli el-Hekîm re hevdîtin pêk anîbûn.

56emîn Konferansa Ewlehiya Cîhanî ya Munîhê îro bidawî dibe.