DYA: Îskeleyên demkî tenê têr nakin

PeyamaKurd – Koordînatorê Ragihandina Stratejîk a Konseya Ewlehiya Neteweyî ya Amerîkayê John Kirby, di daxuyaniya xwe ya derbarê îskeleya herikînê ya ku ji aliyê DYAyê ve li ser Şerîda Xezzeyê hatiye avakirin de wiha got: "Ev qereqola demborî bi tena serê xwe têra gihandina xwarin, av û dermanên ku Filistîniyan pir hewcedar in, nake."

Hêzên Îsraîlî deriyên sînor ên ku alîkarî ji wan re derbasî Şerîda Xezzeyê dibe, ku êrîş bênavber dewam dikin digirin û krîza mirovî ya li herêmê kûrtir dike.

Koordînatorê Ragihandina Stratejîk a Konseya Ewlekariya Neteweyî ya Amerîkayê John Kirby di daxuyaniya xwe ya piştî ku îskeleya ku ji aliyê Amerîkayê ve hatiye avakirin îro ket meriyetê got ku divê zêdetir alîkarî bikevin Şerîda Xezzeyê.

Kirby diyar kir ku sewqiyata alîkariyê ya ewil duh bi 300 paletên erzaqê ji îskeleyê hat kirin û destnîşan kir ku ew hêvî dikin di rojên pêş de ev hejmar bibe sê qat.

Kirby diyar kir ku alîkariyên ku derbasî Şerîda Xezzeyê dibin têrê nakin û wiha got: “Ev îskeleya demborî bi tena serê xwe têra gihandina erzaq, av û dermanên ku Filistîniyan pir hewcedar in nake. Divê em van deriyên bejayî di zûtirîn demê de vekin. Bi eşkereyî, ji bo vekirina dergehan hewldanek têr nayê kirin. Ev nayê qebûlkirin."