Li Sirnexê kana komirê hilwesiya

PeyamaKurd – Li bajarê Şirnexê yê Bakurê Kurdistanê, îro kana ku komir jê dihat derxistin hilweşiya û du kesên ku li wê kanayê kar dikirin di bin komira hilweşiyayî de man û yek ji wan bi birîndarî hat rizgarkirin.

Zanyarî destnîşan dikin, îro li bajarokê Bêspîn ê girêdayî Silopiyê ve, kaneke komirê hilweşiya.

Li gor zanyariyên destpêkê, du kesên ku li wê kanayê kar dikirin di bin komira hilweşiyayî de man û yek ji wan bi birîndarî hat rizgarkirin.

Parlamenterê Partiya Demokratîk a Gelan (HDP) Huseyîn Kaçmaz li ser hesabê xwe yê Twitterê diyar kir, navê hemwelatiyê di bin komirê de maye Îbrahîm Aşkin e.

Kaçmaz daye zanîn, karkerê din ê ji bin komirê hatiye derxistin, bo nexweşxaneyê hatiye veguhastin.

Xebat û lêgerînên ji bo derxistina Îbrahîm Aşkin ji bin komirê hilweşiyayî berdewam in. <

Silopi ilçemize bağlı Görümlü Beldemizde bulunan Kömür Ocağında Göçük meydana geldi!
Aldığımız bilgiye göre, yaşanan göçükte İbrahim AŞKIN adlı bir yurttaşımızın göçük altında kaldığı ve bir başka yurttaşımızın ise yaralanarak hastaneye kaldırıldığı yönünde. pic.twitter.com/fMKWEwF8iK

— Hüseyin Kaçmaz (@avhuseyinkacmaz) January 9, 2021