Netanyahu: Agirbest bibe ya na em ê operasyona Refahê pêk bînin

PeyamaKurd - Di demeke ku bi navbeynkariya Qeter û Misirê, li Qahîreyê danûstandinên ji bo ragihandina agirbesta Xezzeyê ya navbera Îsraîl û Hemasê û pevguhertina dîlên Îsraîlî û girtiyên Filistînî didome de, Serokwezîrê Îsraîlê Benjamin Netanyahu destnîşan kir ku lihevkirina ji bo agirbest û pevguhertina dîl û girtiyan pêk bê ya na; ew ê teqez operasyona leşkerî ya herêma Refahê pêk bînin.

Netanyahu, di daxuyaniya xwe ya îro de got: "Bêyî ku lihevkirina bi Hamasê re agirbest û pevguhertina girtiyan bi encam bibe, ee ê hêrişî Refahê bikin."

"Rawestandina şer ne pêkan e"

Serokwezîrê Îsraîlê Netanyahu Hemasê ji bo mayîndebûna dewleta Îsraîlê, wek maka herî xeternak destnîşan kir û wiha domand:

"Bi agirbest û pevguhertina dîl û girtiyan a bi Hamasê re yan jî bêyî wê, artêşa Îsraîlê ji bo Hemasê tune bike wê bikeve Refahê. Heta em negihîjin armancên xwe rawestandina şer ne pêkan e."