Li navça Bismilê xwarina taziyan rakirin

PeyamaKurd – Li navça Bismilê civînekî hat lidar xistin û piştî munaqeşe û şiroveyan biryarê dan ku di taziyan de xwarina ku tê dayîn rakin. Di nav biryaran de heye ku taziye ji 3 rojan derbas nebe. Biryara ku dane wê li temamê malên taziyeyan bê daleqandin.

Di nav heyeta ku xwarinên taziyan rakirine de muftî, alimên Bismilê, nûnerên partiyên siyasî, nûnerên rêxistinên civakî û qeyemqamê navçê hene.

Ciyên taziyan wê di serê siba de di 09.00an de vekin û bi azana mexirbê re bigrin. Wê biryar ji aliyê rêvebirên cîh de yên weke muxtar, mela, qeymeqam û kesên weka wan de bên taqîbkirin.