Talebanî: Pêngavên bas di sektorên cuda cuda de hatine avêtin

PeyamaKurd – Cîgirê Serokwezîrê Herêma Kurdistanê Qubad Talebanî bi peyamekê diyar kir, çaksazî proseyeke ku pêwîstiya wê bi berdewamiyê heye.

Li gor Qubad Talebanî li ser facebookê da zanîn: “Çaksazî proseyeke ku pêwîstiya wê bi berdewamiyê heye, me dest daye ligel hejmarek ji hevkarên me yên li hikûmetê, pêngavên baş di sektorên cuda cuda de hatine avêtin, em nêzîkî çinîna berhemên vî erkê li ser milê me bûne.”

Herwiha Talebanî destnîşan kir: “Me îro ligel tîmekê behsa çawaniya pêşvebirin û bicihanîna çaksaziyê kir ku di dawiyê de mebesta me jê, bi rêya hikûmraniyeke reşîd, xizmetkirina welatiyan e.”